Bydd 2 uned fasnachol, un ar Ffordd y Brenin (McDonalds gynt) a'r llall ar Stryd y Parc (y Travel House gynt). Bydd y datblygiad hefyd yn elwa o gael to gwyrdd ar yr adeilad drwy Raglen Trawsnewid Trefi Llywodraeth Cymru.

Y contractwyr ar gyfer y datblygiad hwn yw Easy Living Ltd. Dechreuodd y gwaith yn ystod haf 2024 a disgwylir y bydd yn trosglwyddo yn hydref 2025.

Mae'r datblygiad hwn yng nghanol glannau SA1 Abertawe a bydd yn darparu un lle masnachol i'w rentu, ynghyd â 104 o fflatiau i'w rhentu'n gymdeithasol.

Y contractwyr ar gyfer y safle hwn yw Everstock Development a Pickstock Homes. Dechreuodd y prosiect hwn yn Haf 2024 a rhagwelir y caiff ei drosglwyddo yng ngwanwyn 2027.

Y cam nesaf yn nhwf y Pentref Trefol yw ailddatblygu Kings Lane Corner. Mae hyn yn darparu estyniad naturiol i'r Pentref Trefol a bydd yn wynebu'r Strand a'r lôn, sy'n gyswllt allweddol i gerddwyr â'r Stryd Fawr a chanol y ddinas.

Bydd cyfres o unedau ar ffurf cynhwysyddion llongau yn cynnwys nifer o fusnesau bach, a mannau agored wedi'u tirlunio. Bydd y cynllun yn rhan arall o jig-so’r pentref trefol ac wedi’i gyfuno â phrosiectau blaenorol a chynlluniau ar gyfer y dyfodol, bydd yn creu cyrchfan leol fywiog a fydd yn apelio at ymwelwyr, busnesau a thrigolion.

Bydd ail ran y cynllun hwn yn troi tu mewn y datblygiad hwn yn ofodau swyddfa, gan ddod â chyfleoedd swyddi lleol newydd. Mae'r cynllun yn cael ei gynllunio i ddarparu ar gyfer un neu fwy o ddeiliaid swyddfa mewn tua 860m2 (arwynebedd mewnol net) a bydd yn cynnwys parcio islawr a mannau defnyddiadwy ar y to gyda golygfeydd i'r Mwmbwls.

Mae cynnig y cynllun ar gyfer adfer a throsi hen Sinema'r Castell yng nghanol dinas Abertawe i ddarparu 30 o gartrefi fforddiadwy ac unedau masnachol newydd. Mae'r eiddo yn adeilad rhestredig Gradd II yn union i'r gogledd o Gastell Abertawe. Mae hefyd wedi'i leoli o fewn ardal gadwraeth ddynodedig. Felly mae'r datblygiad hwn wedi'i gynllunio'n sensitif i gydnabod ei bwysigrwydd pensaernïol a hanesyddol ac mae'n anelu at gadw cymaint o'r nodweddion gwreiddiol â phosibl, gan nodi defnyddiau cynaliadwy a fydd yn sicrhau ei gadwraeth hirdymor fel adeilad allweddol yn y ddinas.

Bydd y prosiect yn cynnwys dwy ardal ar wahân ar gyfer defnydd masnachol: bwriedir i ran isaf yr adeilad sy'n wynebu'r Strand ddarparu ar gyfer defnydd swyddfa ar raddfa fach. Yn y prif ddrychiad sy'n wynebu Worcester Place a'r Castell, mae uned fasnachol newydd dros ddau lawr yn cael ei chreu sy'n rhagweld defnydd tebyg i gaffi/bwyty. Cynigir blwch gwydr newydd a fydd yn rhan o'r uned hon ac yn wynebu'r Castell a'r gofod agored.

Mae'r cynllun yn cael ei wneud ochr yn ochr â chynllun Gerddi'r Castell sy'n cael ei ddatblygu gan y Cyngor ar dir cyfagos. Gyda’i gilydd, bydd y ddau brosiect yn trawsnewid y rhan bwysig hon o’r ddinas.

Mae'r datblygiad hwn yn cynnwys rhaglen adnewyddu gynhwysfawr gyda dymchwel rhannol, sydd ar hyn o bryd yn cynnwys darparu 17 o gartrefi ar hyd y safle a 2 uned fasnachol ar y llawr gwaelod a'r llawr cyntaf. Y contractwr ar gyfer y safle hwn yw Easyliving Ltd.

Mae'r datblygiad wedi'i ariannu'n rhannol gan Raglen Gyfalaf Llety Pontio (TACP) Llywodraeth Cymru a disgwylir iddo gael ei gwblhau yn 2026.