Mae gwaith wedi dechrau i drawsnewid hen fwyty McDonalds ar Ffordd y Brenin Abertawe yn gymysgedd o adeiladau masnachol a thai fforddiadwy i'w rhentu. Tai Coastal dielw o Abertawe sy'n gyfrifol am y gwaith ailddatblygu gan y partner adeiladu Easyliving Ltd.

Dyma'r diweddaraf mewn cyfres o brosiectau adeiladu ar hyd un o brif dramwyfeydd y ddinas, gan gynnwys gwaith ailddatblygu ar raddfa fawr ar hen glwb nos Oceana yn 71 a 72 Ffordd y Brenin gan Gyngor Abertawe.

61 Bu Ffordd y Brenin yn gweithredu fel McDonalds am fwy na degawd nes iddo gau yn 2010 ac mae wedi aros yn wag ers hynny. “Mae Coastal yn gweithredu llawer o lety deiliadaeth gymysg yn llwyddiannus ar draws y ddinas”, meddai’r Rheolwr Adfywio, Andrew Parry-Jones. “Mae creu cydbwysedd rhwng unedau masnachol a phreswyl mewn ffordd sy’n ategu’r ddau yn allweddol i’n dull o adfywio canol dinasoedd. Dyma’r cyntaf mewn cyfres o brosiectau o’r fath rydym wedi’u cynllunio yn y ddinas, felly bydd nifer o gyhoeddiadau yn dilyn yr un hwn”

Ar ôl ei gwblhau bydd yr adeilad wedi'i ailddatblygu yn darparu 7 fflat ar rent cymdeithasol ynghyd â 2 uned fasnachol ar y llawr gwaelod ar fynedfeydd Ffordd y Brenin a Stryd y Parc yn y drefn honno.