Mae Tai Coastal wedi caffael hen dafarn y Kings Arms ar Stryd Fawr Abertawe fel rhan o'u hadfywiad parhaus o'r ardal.

Mae'r dafarn wedi bod ar gau yn barhaol am y flwyddyn ddiwethaf ac mae angen gwaith uwchraddio ar yr adeilad rhestredig. Mae gan Coastal ymrwymiad hirsefydlog i adfywio’r Stryd Fawr, ar ôl buddsoddi bron i £30 miliwn yn yr ardal dros y ddegawd ddiwethaf, drwy gaffaeliadau strategol ac ailddatblygu.

Gweithredodd yr ymgynghorwyr eiddo masnachol BP2 ar ran Coastal wrth brynu'r adeilad, a fydd nawr yn cael ei uwchraddio cyn cael ei ddefnyddio eto at ddibenion masnachol.

“Rydym wrth ein bodd gyda'r caffaeliad hwn,” meddai Kelly Thomas, Cyfarwyddwr Gweithredol Datblygu ac Adfywio Coastal. “Mae’n adeilad pwysig, yn hanesyddol i Abertawe ac o ran opsiynau Coastal ar gyfer datblygiad pellach yn y Stryd Fawr.”

“Ein ffocws ar hyn o bryd yw gwaith uwchraddio i adfer yr adeilad rhestredig i'w hen ogoniant. Nid ydym wedi gwneud penderfyniadau cadarn ar ei ddyfodol ond byddem yn arbennig o awyddus i annog ceisiadau ar gyfer busnesau sy’n gwasanaethu’r gymuned LGBTQ+ leol, o ystyried bod y Kings Arms Tavern yn lleoliad pwysig yn hyn o beth yn hanesyddol.”