Ena Lloyd

Cyfarwyddwr Anweithredol

Mae Ena wedi treulio’r rhan fwyaf o’i gyrfa waith yn y sector cyhoeddus yng Nghymru. Gan gychwyn yn Asiantaeth yr Amgylchedd Cymru a'i rhagflaenwyr, bu'n allweddol wrth sefydlu'r prosesau adolygu corfforaethol. Yn dilyn hynny, symudodd Ena i’r hyn a elwir bellach yn Archwilio Cymru, lle, gyda chydweithiwr, sefydlodd dîm y Gyfnewidfa Arfer Da, sydd wedi datblygu dull o rannu arfer da ar draws gwasanaethau cyhoeddus yng Nghymru. Arweiniodd hyn at newid sylweddol yn rôl Archwilio Cymru (a’i ragflaenwyr) ac mae rhanddeiliaid ar draws y DU, Ewrop, Awstralia a Seland Newydd wedi cydnabod ei fod yn effeithiol ac yn arloesol.

Mae Ena bellach wedi sefydlu ei hyfforddiant a’i hymgynghoriad dwyieithog ei hun, gan weithio gyda sefydliadau sydd eisiau ymgysylltu â gwahanol gymunedau.

Mae Ena yn teimlo bod cymdeithasau tai yn allweddol i alluogi gwell gwaith partneriaeth ar draws gwasanaethau cyhoeddus drwy sicrhau bod pobl yn ganolog i bopeth a wnânt.

Mae Ena yn hynod gyffrous i fod yn rhan o fwrdd Coastal.

Mae Ena yn byw yng Ngogledd Caerdydd ac yn mwynhau teithio ledled y byd, cerdded ac yoga.